По повод одбележување на 15 Октомври – Денoт на пешаците со учениците од трето одделение се организираше Еко-парада во месноста „Чардак“ на 14.10.2016 година. Учениците со своите наставници и дел од еко-одборот  направија куса прошетка по месноста, носејќи транспаренти.

Движејки се низ улиците учениците со своите пораки имаа можност да ја покажат својата сообраќајна и еколошка култура, грижа за здравјето и животната средина. Учесниците во парадата беа поздравувани од случајните минувачи и учесниците во соообраќајот.

Сериозноста со која нашите најмали ученици им објаснуваа на минувачите за целта на еко-парадата мамеше насмевки на нивните лица. Навистина беше прекрасно чувството да се биде дел од еден ваков настан.