Денес учениците од одделенска настава беа дел од едукативниот караван на ЈП Лајка и проектот „Унапредување на благосостојбата на животните преку волонтерство" под покровителство на U.S. Embassy North Macedonia во Скопје. На ова предавање нашите ученици дискутираа, се дружеа а воедно и учеа низ презентација и отворена дискусија каде се споделуваа знаења за решавање на проблемот со бездомните кучиња што е важно за најмладите. Со тоа тие научија како преку одговорното сопствеништво и вдомување на миленик можат да придонесат до намалување на бројот на бездомни кучиња по улиците.