ООУ “Крсте Мисирков“ се стекна со интернационалната ознака за квалитет - Експерт училиште во рамки на СТЕМ ознаките за квалитет на училиште (STEM School Label), проект финансиран од Европската Унија.

STEM School Label е интернационална ознака за квалитет која се доделува на училиштата за нивните активности во однос на СТЕМ (наука, технологија, инженерство и математика) предметите. Училиштата кои добиваат ознака за квалитет претставуваат училишта со јасна СТЕМ стратегија, која имплементира интердисциплинарни, иновативни пристапи во СТЕМ наставата, креирајќи интерактивни средини за учење кои го поттикнуваат интересот и мотивацијата на учениците, развивајќи ги кај нив вештините за живот во 21от век.

Постојат три нивоа на ознаки за квалитет: Competent School (училиште со минимална практика на училишна СТЕМ стратегија), Proficient School (училиште со напредна СТЕМ училишна стратегија) и Expert School (училиште со истакната, извонредна СТЕМ училишна стратегија).

Особено сме горди на тоа што нашето училиште ја доби ознаката за Експерт училиште, бидејќи сме првото училиште во Македонија кое се здоби со оваа ознака за квалитет, а која укажува на тоа дека во нашето училиште се обезбедува квалитетно образование во СТЕМ областите, зголемувајќи го интересот и мотивацијата на учениците за изучување на овие области. Истовремено оваа ознака овозможува промовирање на нашето училиште не само во државата, туку и на интернационално ниво.