На ден 01.06.2016год. училиштето организираше свечен прием на првачињата на првиот училишен час.

За оваа пригода училиштето беше посебно украсено со пригодни декорации кои создадоа пријатна атмосфера и придонесоа чинот на поаѓање во училиште засекогаш да им остане врежан во сеќавањата на учениците како свечен и возвишен момент.

Постарите другарчиња подготвија посебна програма со која ги поздравија и им посакаа топло добредојде на нашите нови ученици.

Претставници од Ротари клубот беа присутни на програмата и го збогатија моментот со доделување на училишен ранец и прибор за секое прваче.

На учениците им беа подарени посебно спакувани чоколадца со логото на училиштето и изработени беџови со нивните имиња кои засекогаш ќе им бидат спомен на првиот училишен ден.