Чествување на Крсте Петков Мисирков

На ден 21.09.2016 год. Ученици од нашето училиште ООУ„Крсте Мисирков“ на покана од Градската Библиотека „Браќа Миладиновци“ – Скопје учествуваа на чествувањето на Крсте Петков Мисирков.

На чествувањето предавање одржа проф. Димитар Пандев кој говореше за делото на Крсте Петков Мисирков и значењето на јазикот за културата на еден народ, а извадоци од неговото творештво читаа ученици од средните училишта.

Нашите ученици имаа можност да учествуваат на еден културен настан кој се одржува во нашиот град, и му оддадоа признание на патронот на своето училиште и беа посебно поздравени од организаторите на културниот настан.