Проекти – ООУ Крсте Мисирков

Учество на работна средба во рамките на проектот „Заедници со интегритет“

Mario — Wed, 15 Jul 2026 06:22:24 +0000

Претставници од нашето училиште ООУ „Крсте Мисирков“ денес учествуваа на значајна работна средба во рамките на проектот „Заедници со интегритет“. 🏫🤝💼✨

Работилницата, наменета за претставници од Општина Гази Баба, се одржа во Хотел Континентал во Скопје, со фокус на две исклучително важни теми: „Судир на интереси“ и „Заштитено внатрешно пријавување“. 📍🏨🗺️💡🧑‍💻

Целта на оваа обука беше запознавање со законските обврски, механизмите за безбедно и доверливо пријавување на неправилности, како и преку практични насоки и примери да се унапредат знаењата за имплементација на ефективен систем за заштита и препознавање на судирот на интереси во локалните институции. 🛡️⚖️🔍📋🧠

Проектот „Заедници со интегритет“ во Северна Македонија е финансиран од владите на Швајцарија и Шведска, а се имплементира од страна на Националниот демократски институт (НДИ). 🇨🇭🇸🇪🇲🇰🌍

Преку постојана едукација, професионален развој и зајакнување на капацитетите, нашето училиште продолжува посветено да работи во насока на транспарентност, одговорност и висок институционален интегритет! 💪📚🎓💎🌟

Заедно против насилството

Mario — Thu, 02 Jul 2026 06:15:33 +0000

Стручните соработници, наставници од нашето училиште, заедно со родители, психолози, експерти од областа на заштитата на децата и претставници на релевантни институции, успешно учествуваа на обуката реализирана во рамки на проектот „Прекинување на циклусот на насилство: системска превенција на семејно насилство преку образовниот систем“. 👩‍🏫👨‍⚕️🧑‍

Обуката беше насочена кон јакнење на капацитетите за препознавање, превенција и соодветно постапување во случаи на семејно и врсничко насилство. 🛡️💡🧠🔍🛑

Со континуирана едукација, соработка и заедничка грижа создаваме побезбедна, посигурна и поддржувачка средина за секое дете. 🤝🌱🏡👧👦❤️✨

Заеднички МИО активности

Mario — Wed, 22 Apr 2026 08:11:52 +0000

Заедничките активности со партнер училиштето ООУ „Кирил и Методиј“ – Стајковци и подрачното училише од Страчинци продолжија. Се реализира заедничка еко – активност во која беше застапена темата „Животна средина и климатска акција“. Учениците од двете училишта реализираа истражување на причините за загаденоста во општина Гази Баба, ги споделија резултатите од истражувањата во текот на повеќе електронски средби и изготвија препораки до пошироката популација за заштита од загаденоста и превенција на здравјето, преку изработка на рекламен материјал – флаери и брошури. Флаерите и брошурите учениците ги поделија во своите училишта и на случајни минувачи во околната на училиштата.
Голема благодарност на учениците за нивниот придонес во едукацијата на населението за преземање заштитни мерки за намалување на негативните последици врз здравјето од загадувањето.

Иднината сме ние

Mario — Mon, 23 Mar 2026 11:31:48 +0000

ИДНИНАТА СМЕ НИЕ… E ARDHMJA JEMI NE… На кој јазик и да кажеме, децата се нашата иднина, а ние возрасните треба да учиме од нив како лесно и едноставно се комуницира за да се постигне заедничка цел.
Ние денеска започнавме да ги реализираме заедничките активности со партнер училиштето ООУ ,,Кирил и Методиј”, Стајковци. Поточно, бевме на гости во подрачното училиште во Страчинци, каде наставата се одвива на албански наставен јазик. Домаќините срдечни и гостољубиви, а гостите љубезни и добронамерни. По повод Денот на пролетта и екологијата, во присуство на наставници, родители и претставник од БРО, реализиравме повеќе заеднички активности. Не изостанаа и честитките за големиот муслимански празник Рамазан Бајрам.
Најнапред учениците се запознаа меѓусебно, претставувајќи се на својот јазик и искажувајќи некое хоби или интерес, а потоа по случаен избор се поделија во две големи групи. Првата група имаше задача да скенира кодови и да открие интересни факти и примери за успешни еколошки приказни и пораки. Тие ги засадија цвеќињата во дворот, со задача да ги полеваат и да ги одржуваат до следната средба. Втората голема група, во друга просторија беше поделена на четири помали групи, кои имаа различни задачи, со заедничка цел: да ја истакнат важноста од зачувувањето на здравата животна средина. Нивните изработки беа закачени во училишното еко катче. Во знак на долгогодишното пријателство, директорките на двете училишта посадија дрвце во дворот, кое се надеваме, ќе биде од корист за многу идни генерации. Следуваше неофицијална дружба, во која учениците спонтано започнаа пријателски натпревар во одбојка, во мешани групи. Споделија контакти и се договорија за идните активности и за повторна средба, овојпат во ООУ ,,Крсте Мисирков”, со други интересни активности.
На домаќините им благодариме за пречекот и ги покануваме на Денот на шегата да бидат наши гости. Ги очекуваме во маски од рециклирани материјали.
Ние одлучивме да се натпреваруваме во љубезност и гостољубивост, а вие?

Безбедноста пред сè – НЕ на пиротехниката!

Mario — Fri, 26 Dec 2025 14:10:26 +0000

Во ООУ „Крсте Мисирков“, како дел од проектот “Безбедност во училиштата”, беше реализирана едукативна работилница на тема употреба и опасности од пиротехнички средства.
Учениците се запознаа со сериозните ризици и последици од несоодветна и неконтролирана употреба на пиротехника, како и со значењето на одговорно однесување, особено во периодот на празници.
Преку едукативен разговор и реални примери, беше подигната свеста за заштита на сопственото здравје, безбедноста на околината и почитувањето на законските прописи.
Забавата не смее да биде опасна – безбедноста секогаш е на прво место!

Едукативна работилница за безбедност во ООУ „Крсте Мисирков“

Mario — Thu, 18 Dec 2025 11:16:56 +0000

Во рамки на имплементација на концептот „Полицијата блиску до граѓаните“, а во соработка со Локалната самоуправа, во ООУ „Крсте Мисирков“ успешно се реализираше едукативна работилница како дел од проектот „Безбедност во училиштата“.
Преку интерактивни активности и разговори, учениците се запознаа со значењето на личната и колективната безбедност, улогата на полицијата и начините за правилно и одговорно однесување во и надвор од училиштето.