Отворен ден на хемиската секција „Еко хемија“
Со многу насмевки, љубопитност и креативна енергија, во нашето училиште се одржа Отворениот ден на хемиската секција „Еко хемија“.
Нашите ученички со љубов и посветеност ја претставија својата работа, покажувајќи дека хемијата може да биде интересна, практична и инспиративна.
Преку изработка на инфузиони масла, парфеми и дезинфекциски средства, тие не само што ги демонстрираа своите знаења, туку и ја споделија својата страст кон создавање природни и корисни производи. Секој чекор беше исполнет со труд, тимска работа и искрена желба да се научи нешто повеќе.
Настанот беше исполнет со топлина и позитивна атмосфера, а поддршката од посетителите беше вистинска мотивација за нашите ученички да продолжат да истражуваат, учат и создаваат.
Со особена гордост, на крајот од настанот им беа доделени благодарници како признание за нивниот труд, упорност и љубов кон хемијата.
Овој ден беше потсетник дека кога знаењето се спојува со креативноста и желбата, се создаваат прекрасни резултати.
Горди сме на нашите ученички!
Поврзани содржини