ООУ Крсте Мисирков

По повод 24 Мај – Ден на сесловенските просветители Св. Кирил и Методиј, учениците од секцијата по историја и секцијата по македонски јазик и литература реализираа креативни и едукативни активности во чест на големото дело на светите браќа. 📜✨

Учениците од секцијата по историја изработија тематски хамери посветени на животот, мисијата и значењето на Св. Кирил и Методиј, прикажувајќи ја нивната улога во создавањето на словенската писменост и ширењето на просветата меѓу словенските народи. 🗺️🖋️

Воедно, учениците од секцијата по македонски јазик и литература напишаа литературни творби инспирирани од делото на светите браќа, изразувајќи почит кон македонскиот јазик, писменоста и културното наследство. 📖✍️

Преку овие активности учениците ја развиваа својата креативност, истражувачки дух и љубов кон историјата, јазикот и традицијата. 💡🧠

Горди сме на нивниот труд, посветеност и успешно реализираните активности, со кои достојно го одбележаа овој значаен ден. 🌟👏