Почитувани,
Од сѐ срце им се заблагодаруваме на сите ученици, родители , наставници и пријатели на училиштето кои несебично земаа учество во училишниот хуманитарен базар „Мали раце – големи дела“, одржан на 29.04.2025 година.
Вашата посветеност, креативност и поддршка преку изработки, донации и активности беа од огромно значење за успешноста на настанот. Со задоволство ве известуваме дека се собрани вкупно 243.812 денари, средства кои се веќе донирани за настраданите од пожарот во Кочани преку организацијата СУПОРТ Кочани.
Ви благодариме што заедно покажавме дека големите дела почнуваат со мали, но искрени раце.