Наставничка Маја Виденовиќ е избрана за една од 10-те највлијатени жени во користење на образовна технологија во наставата
Со огромно задоволство споделуваме дека нашата наставничка по техничко образование и информатика, Маја Виденовиќ е избрана за една од 10-те највлијатени жени во користење на образовна технологија во наставата. Истата беше препознаена како една од жените – пионери во иновативно користење на технологија во наставата која ги инспирира и останатите наставници во обликување на нашата дигитална иднина.
Ова престижно признание и беше доделено на нашата наставничка на меѓународната конференција Bett UK 2026, на која присуствуваа повеќе од 35000 едукатори од целиот свет.
На истата конференција наставничката учествуваше и на интернационалниот Teachmeet каде презентираше иновативен пристап од својата наставна практика за тоа како може да се трансформира едукацијата за сајбер безбедност во авантура преку користење на интерактивни предизвици, игри и мисии кои го поттикнуваат интересот и мотивацијата на учениците. Огромна чест е тоа што овој пример на добра практика од нашето училиште беше презентиран пред заедница на едукатори од целиот свет, со што изврши промоција на нашето училиште на интернационално ниво.
Поврзани содржини