Прием на првачиња на првиот час 2018
На ден 03.09.2018 год. во нашето училиште ООУ „Крсте Мисирков“ наставата започна по предвидениот распоред.
Во 9:00 часот училиштето организираше свечен прием на првачињата на првиот училишен час.
За оваа пригода училиштето беше посебно украсено со пригодни декорации кои создадоа пријатна атмосфера и придонесоа чинот на поаѓање во училиште засекогаш да им остане врежан во сеќавањата на учениците како свечен и возвишен момент.
Овој посебен момент и влезот во нова животна фаза на малите првачиња го поздрави и директорот на училиштето м-р Наташа Тргачевска Мојсовски.
Постарите другарчиња подготвија посебна програма со која ги поздравија и им посакаа топло добредојде на нашите нови ученици.
На учениците им беа подарени посебно спакувани чоколадца со логото на училиштето и изработени беџови со нивните имиња кои засекогаш ќе им бидат спомен на првиот училишен ден, како и балони со хелиум кои придонесоа за насмевката на првиот училишен ден.
Поврзани содржини