Трета награда за ученикот Стефан Михајлов на настанот „Ноември – месец на наука“
Саботниот ден од изминатиот викенд беше резервиран за младите истражувачи и љубители на науката. На настанот „Ноември – месец на наука“ преку спој од креативност и желба за откривање на тајните на природата, повеќе од 500 ентузијасти имаа можност да се претстават со експерименти, макети и резултати од спроведени анализи. Нашиот ученикот Стефан Михајлов од VI – 4 одделение со својот модел на бели дробови и демонстрација на механизмот на дишење ја освои ТРЕТАТА НАГРАДА во категоријата „Природни науки 6 одделение“.
„Целта ми беше да го претставам училиштето и себеси во добро светло и да научам нешто ново. Најзабавен дел од денот ми беше кога презентирав пред комисијата и ја разгледуваа мојата изработка “ – посочи Стефан и покажа дека учењето може да биде забавно.
Идните научници се во училишните клупи меѓу нас, а на наша цел е да ја разгориме жарта за откривањето на мистериите во природата и да ја поттикнуваме нивната љубопитност да ја истражат магијата која владее наоколу. Учеството на настани од овој тип не’ води еден чекор поблизу до остварувањето на таа задача.
Поврзани содржини