ООУ Крсте Мисирков

Во нашето училиште денешниот ден (вторник 24.03.2026 година) започна со посебна возбуда. Ходниците, наместо со вообичаениот џагор, беа исполнети со љубопитност во исчекување на нашата гостинка – познатата писателка Јадранка Клисарова.
Кога таа влезе во училницата, со себе донесе мирис на нови книги и магија на зборови. Со благ глас ни раскажуваше како настануваат нејзините приказни и каде се кријат идеите пред да слетаат на хартија.
Учениците, со голема љубопитност и широки насмевки, внимателно го слушаа секој нејзин збор, а потоа се редеа прашања: ‘Дали ликовите се вистински?’, ‘Која е Вашата омилена книга?’, ,, Колку време е потребно за да се напише една книга?”, ,,Дали настаните се вистинити?”.
Средбата заврши со заедничко фотографирање и поделба за автограми, каде секој од нас доби по неколку топли зборови запишани на првата страница од својата омилена книга:,,Децата од моето училиште”.
Овој ден не научи дека книгите не се само хартија, туку живи пријателства кои нè чекаат во училишната библиотека.