ООУ Крсте Мисирков

Денес во нашето училиште успешно ја реализиравме едукативната и креативна работилница „Изработка на природен дезодоранс“, во која учествуваа учениците од хемиската секција, Еко хемија. Работилницата беше дел од нашите активности за поттикнување на практично учење, научна љубопитност и развивање на вештини за тимска работа.
Учениците работеа организирани во четири групи, и секоја група изработи различна формулација со различно количество на натриум хидроген карбонат. На овој начин тие имаа можност да истражат како промената на една состојка влијае врз структурата, мирисот и ефективноста на производот.
Под водство на наставникот, учениците:
– ги запознаа природните суровини и нивната намена,
– научија како правилно да се измери и комбинира формула,
– ги следеа правилата за безбедна работа во лабораторија,
– самостојно изработија сопствен 50 ml природен дезодоранс.
Работилницата траеше 80 минути и помина во одлична атмосфера, исполнета со ентузијазам, соработка и креативност. Учениците покажаа високо ниво на ангажираност, прецизност и интерес за природната козметика и основите на хемијата.
Горди сме на нивната посветеност и на одличните резултати што ги постигнаа.
Продолжуваме да создаваме училиште кое ги инспирира учениците да учат преку практика и откривање!